«Հայաստան» համահայկական հիմնադրամը շարունակաբար ստանում է մեծ քանակով բժշկական հումանիտար օգնություն Եվրոպայից և ԱՄՆ-ից, որն ուղղվում է զինծառայողների վերականգնողական բուժմանը, առողջապահական համակարգի կենսագործունեության շարունակականության ապահովմանը, ինչպես նաև տրամադրվում են ժամանակակից տեխնոլոգիական լուծումներով աշխատող սարքավորումներ, որոնք հեշտացնում և նոր որակ են հաղորդում վերականգնողական բուժմանը:

Ստացված օգնությունը, ըստ նշանակության և պահանջի, բաշխվել է Հայաստանի և Արցախի 40-ից ավելի բժշկական հաստատությունների միջև՝ Քանաքեռ-Զեյթուն Բժշկական Կենտրոն, Ռ․Օ․ Յոլյանի անվան Արյունաբանական Կենտրոն, Մուրացան հիվանդանոցային համալիր, Հայրենիքի Պաշտպան վերականգնողական կենտրոն, Մարտունու բժշկական կենտրոն, Կապանի բժշկական կենտրոն, Սարուխանի բժշկական ամբուլատորիա և այլն: