ԱՄՆ նախագահ Ջո Բայդենի վարաչակազմը կաջակցի նախորդ վարչակազմի կողմից հավանության արժանացած Artemis ծրագրին, որով նախատեսվում է տիզերագնացների ուղարկել Լուսին:

Ինչպես փոխանցում է Fox News-ը, այս մասին հայտարարել է Սպիտակ տան ներկայացուցիչ Ջենիֆեր Փսակին:

«Մենք աջակցում ենք նմանօրինակ ծրագրերին»,- ասել է վերջինս ճեպազրույցի ժամանակ՝ հավելելով, որ Artemis-ը Կոնգրեսում արժանացել է ինչպես դեմոկրատների, այնպես էլ հանրապետականների հավանությանը:

ԱՄՆ-ն նախկին նախագահ Դոնալդ Թրամփի օրոք ակտիվացրել է տիեզերքի յուրացմանն ուղղված ջանքերը: Artemis-ը ԱՄՆ դաշնային իշխանությունների կողմից ֆինանսավորվող ծրագիր է, որը ղեկավարում է ՆԱՍԱ-ն և որի շրջանակում նախատեսվում է մինչև 2024 թվականը Լուսին ուղարկել առաջին կնոջը և հաջորդ տղամարդուն: