Քիչ առաջ ֆեյսբուքյան ուղիղ եթերում անհետ կորած զինծառայողների հարազատներից Արսեն Ղուկասյանը հայտնեց, որ ՊՆ-ից սպաներ պետք է գնային Արցախ, սակայն չեն գնացել՝ հայտարարելով, որ Արցախում գտնվող զինվորների հարազատները բռնում ծեծում են:

Նա ասաց, որ ՊՆ-ից ուլտիմատումի տոնով են խոսել իրենց հետ:

Ղուկասյանի ուղիղ եթերի ժամանակ մեկ այլ քաղաքացի, խոսելով տեղի ունեցած միջադեպի մասին, երբ ծնողները սպայի են հարվածել, հայտարարեց, որ հարվածողն իրենք չեն եղել, ծնող է հարվածել, իսկ տվյալ սպան խոստովանել է, որ երեխաները ձորում եղել են «զասադայի» մեջ, սակայն որևէ գործողություն չեն արել:

Ավելի վաղ լրատվամիջոցները գրել էին, որ անհետ կորած զինծառայողների ծնողները ծեծել են գեներալ Կարեն Առուստամյանին: Արդյո՞ք խոսքը վերաբերում է այս միջադեպին, պարզ չէ: