Կորոնավիրուսով վարակման դեպքերի թիվը վերջին մեկ օրում ողջ աշխարհում ավելացել է 432 332-ով՝ հասնելով 105 394 301-ի:

Ինչպես հաղորդում է ТАСС գործակալությունը՝ ներկայացնելով Առողջապահության համաշխարհային կազմակերպության տվյալները, ողջ աշխարհում կորոնավիրուսից մահացել է 2 302 302 մարդ: Նրանց թիվը վերջին մեկ օրում ավելացել է 11 752-ով:

ԱՀԿ վիճակագրությունը հաշվի է առնում միայն պաշտոնական տվյալները, որոնք տրամադրվում են պետությունների կողմից:

Վերջին մեկ օրում արձանագրված վարակման դեպքերի 55 տոկոսը բաժին է ընկնում Հյուսիսային և Հարավային Ամերիկային (237 798), երկրորդ տեղում է Եվրոպայի տարածաշրջանը (128 578), երրորդ տեղում՝ Հարավարևելյան Ասիան (25 691):

Վարակման ամենից շատ դեպքեր գրանցվել են ԱՄՆ-ում, որտեղ կորոնավարակակիրների թիվը գերազանցել է 26.5 մլն-ը, այնուհետև Հնդկաստանում՝ ավելի քան 10.8 մլն, Բրազիլիայում՝ ավելի քան 9.4 մլն, Ռուսաստանում՝ ավելի քան 3.9 մլն, Մեծ Բրիտանիայում՝ ավելի քան 3.9 մլն: