Թուրքիայի արտաքին գործերի նախարար Մեվլութ Չավուշօղլուն փետրվարի 9-ից 11-ը կայցելի Քուվեյթ, Օման և Կատար, հայտնում է Anadolu- ն:

Ինչպես հայտնում է լրատականը, հղում կատարելով Թուրքիայի արտգործնախարարությանը, ուղևորության շրջանակներում Չավուշօղլուն հանդիպումներ է ունենալու իր գործընկերների և այդ երկրների այլ բարձրաստիճան պաշտոնյաների հետ: Նշվում է, որ կողմերը մանրամասն քննարկելու են երկկողմ հարաբերությունների շրջանակները: Հանդիպումների ընթացքում խոսվելու է տարածաշրջանային և միջազգային օրակարգի արդիական հարցերի մասին:

Չավուշօղլուն հանդիպումներ է ունենալու նաև վերոնշյալ պետություններում բնակվող  թուրք գործարար շրջանակների ներկայացուցիչների հետ: