«Իմ քայլը» խմբակցությունը հայտարարություն է տարածել ընդգծելով, որ արտահերթ ընտրությունների պահանջ չի տեսնում: Անդրադառնալով վերոնշյալին՝ քաղաքագետ, իրավաբան ՌՈԲԵՐՏ ՄԱՐԳԱՐՅԱՆԸ գրում է.

«Նախագահ Ռոբերտ Քոչարյանի վերջին հարցազրույցից հետո իշխանություններն ունեն երեք ընտրություն: Համաձայնել Ազգային փրկության շարժման պահանջին, գնալ արտահերթ խորհրդարանական ընտրությունների, որտեղ ընդդիմության միասնական թեկնածուն կլինի Նախագահ Ռոբերտ Քոչարյանը եւ կամ հրաժարվել արտահերթ խորհրդարանական ընտրություններից ապացուցելով հասարակության մեջ Նախագահ Ռոբերտ Քոչարյանի գործոնի հզորացման փաստը եւ այդ կապակցությամբ իրենց մեջ արմատավորված վախն ու սարսափը:

Փաստորեն, իշխանություններն ընտրեցին երրորդ տարբերակը եւ հերթական անգամ խայտառակելով իրենց ապացուցեցին, թե ով է իսկապես աթոռի կռիվ տալիս ու սոսնձված մնում արյունոտ գահին: Հիմա հերթը Հայաստանի խոհեմ հասարակությանն է, որն առաջիկա հանրահավաքին պիտի ասի իր վերջնական խոսքը:

Շարունակում է վստահել աթոռին կառչած գերագույն գլխավոր ստախոսին, որ նույնիսկ իր տված խոստումն ընդունակ չէ հարգել, թե թիկունքում թողնելով ու փակելով իր պատմության այս ամոթալի էջը քայլում է դեպի իր երազած Հայաստանը»: