Ես շատ ուրախ եմ, որ մենք այս դժվար իրավիճակից կարողացանք ընդամենը 3-4 պատգամավոր կորցնելով դուրս գալ. Ալեն Սիմոնյան
Ալեն Սիմոնյանի կարծիքով, ով ցանկացել է լքել թիմը, լքել է: Ամեն դեպքում նա լրագրողների հետ զրույցում չի բացառել, որ կարող են գտնվել մարդիկ, ովքեր ոչ քաղաքական պատճառներով կարող են հրաժարվել մանդատներից:
«Ես շատ ուրախ եմ, որ մենք այս դժվար իրավիճակից կարողացանք ընդամենը 3-4 պատգամավոր կորցնելով դուրս գալ: Վստահ եմ, որ որևիցե իշխանություն չէր կարողանալու նման պինդ իրեն պահել:
Դուրս եկած պատգամավորների մասով կարող եմ ասել, որ իրենց մեծ մասի հետ մենք մինչև այս իրավիճակը լուրջ տարաձայնություններ ենք ունեցել ու սպասել ենք, որ իրենք ինչ-որ պահի կլքեն»,-ասել է նա: