Պուտինն ասել է, թե ով է ղեկավարելու աշխարհն ու ով է որոշելու մարդկության զարգացման հետագա ընթացքը
Աշխարհը ղեկավարելու է նա, ով առաջատար կդառնա տեխնոլոգիայի ու գիտության համար մրցակցության մեջ: Այս մասին հայտարարել է ՌԴ Նախագահ Վլադիմիր Պուտինը:
«Մենք տեսնում ենք, որ ամբողջ աշխարհում տեխնոլոգիաների ու գիտության համար մրցակցությունը արագ աճում է: Ակնհայտ է՝ ով կարողանա առաջ անցնել մյուսներից, նա էլ կորոշի մարդկության հետագա զարգացման ընթացքը»,-ասել է նա:
Պուտինի խոսքերով, գիտական ու տեխնոլոգիական ինքնիշխանությունը Ռուսաստանի ներկան ու ապագան է:
ՌԴ նախագահը նաև կառավարությանը հանձնարարական է տվել մշակել գիտա-տեխնիկական զարգացման նոր ծրագիր՝ հավելելով, որ պետք է փոխել գիտության ֆինանսավորման նկատմամբ մոտեցումը:
