Իշխանական պատգամավոր Լուսինե Բադալյանն այսօր ԱԺ նիստի ժամանակ հայտարարեց, որ իրենց ընդդիմադիր գործընկերները կառուցողական չեն․ «Առաջարկում եմ այսուհետ լինել ավելի կառուցողական. շոուներ անելու, մեկս մյուսին մեղադրելու փոխարեն մի քիչ ավելի շատ ժամանակ տրամադրենք բուն հարցերին։ Կարծում եմ՝ այդպիսով արդյունքն ակնհայտ կլինի»,- ասաց նա։

Անդրադառնալով Բադալյանի դիտողությանը՝ «Լուսավոր Հայաստան» խմբակցության ղեկավար Էդմոն Մարուքյանն ասաց․ «Ասում եք՝ մենք կառուցողական չենք։ Կներեք, որ խոշորացույցով ման գաք, մեզնից կառուցողական ուժ կգտնե՞ք։ Մենք կառուցողական չե՞նք, ի՞նչ շոու․ ես ուղղակի ապշած եմ։ Դուք ծայրահեղությունների մեջ եք։ Դուք պրոբլեմներ ունեք, անկեղծ»։