Աբովյան քաղաքի Խաչատուր Աբովյանի անվան թիվ 1 ավագ դպրոցում ընդդեմ նորանշանակ տնօրեն Քարմիլե Առաքելյանի շարունակվում է գործադուլը և դասադուլը: Այս մասին իր ֆեսյբուքյան ուղիղ եթերով հայտնեց դպրոցի Հայոց պատմության ուսուցիչ Հայկ Փայտյանը։

Հիշեցնենք, որ Աբովյանի թիվ 1 դպրոցի աշակերտներն ու ուսուցիչներն արդեն 8 օր դասադուլ են իրականացնում դպրոցում՝ բողոքելով նոր տնօրենի նշանակման դեմ, որը, նրանց խոսքով, շրջակա միջավայրի նախարար, Կոտայքի նախկին մարզպետ Ռոմանոս Պետրոսյանի ընտանիքի մտերիմն է և նրա հովանավորությամբ է Քարմելա Առաքելյանը նշանակվել տնօրեն։ Ռոմանոս Պետրոսյանը հերքում է իր ընտանիքի կապը նորանշանակ տնօրենի հետ։ Դպրոցի անձնակազմը և աշակերտները ցանկանում են որպես տնօրեն տեսնել նախկին տնօրեն Մետաքսյա Բաբայանին։