«Նախ՝ այն ինչ կատարվել է Հայաստանում, Հայաստանի շուրջ և Արցախում, անհրաժեշտ են փոփոխություններ. թե ինչ ճանապարհով, ժամանակը ցույց կտա: Իշխանությունը հրաժարվեց հերթական անգամ իր խոստումից, փորձեց փակել նաև սահմանադրական ճանապարհը: Բնական է՝ լինելու են ցնցումներ»,- այսօր ԱԺ ճեպազրույցում մեկնաբանելով իշխանությունների կողմից արտահերթ խորհրդարանական ընտրությունները մերժելու  որոշումը  ասաց նախկին պատգամավոր Աղվան Վարդանյանը:

«Ինչպես ասում են՝ եկել է ժողովրդի վրեժի ժամանակը: Լինելու է ճնշում: Ինչքան էլ սուտ ասեն, խաբեն, փակվեն իրենց աշխատասենյակներում, սա ելք չի, իրենք կործանել են այս երկիրը»,-ասաց Ա. Վարդանյանը:

Նա կարծիք հայտնեց, որ առաջիկայում նոր զարգացումներ են սպասվում. «Կլինեն նոր մեթոդներ, շատ ավելի մեծ համախմբում... այս մարդը կամավոր չի գնալու, բայց կուղարկենք, հանգիստ եղեք»,- վստահեցրեց նախկին պատգամավորը: