Փաշինյանական թևը լուրջ դեմքով և զրնգուն ձայնով համոզում է բոլորին, որ պետք է մերվել, կուլ տալ իրենց կործանանար և հակահայկական իշխանության հետևանքների հետ և ամենակարևորը` նրանք բոլորին համոզում են, որ չի կարելի հույս ունենալ և նույնիսկ մտածել`իրենց կողմից թուրքին հանձնած մեր հայրենիքի վերադարձի մասին։ Այս մասին ֆեյսբուքյան իր էջում գրել է «ԲՀԿ» խմբակցության պատգամավոր Արման Աբովյանը:

«Երբ իշխանավորները` Փաշինյանի գլխավորությամբ, փորձում են հրամցնել իրենց խայտառակ պարտությունը պատերազմում և թուրքերի հետ «քիրվայության» անհրաժեշտութունը, ես պարզապես ուզում եմ հասկանալ միայն մի բան.

ինչո՞վ է պայմանավորված իրենց և ադրբեջանցիների տեսլականի համընկնումը,առ այն որ պետք է անհերքելի ընդունել ներկա իրավիճակը և «շարժվել» առաջ ։

Ես անկեղծ եմ հարցնում, չեմ փորձում ինչ-որ բան ավել, կամ պակաս ասել։

Իրականում, թե´ փաշինյանականները, թե´ ադրբեջանցիները շատ ակտիվ տանում են առաջ երկու թեզ` առաջին երկուսն էլ այս, կամ այլ կերպ ամեն առիթով խոսում են տարածաշրջանային "կոմունիկացիաների' վերաբացման մասին։

Ընդ որում, փաշինյանականները այս «գործարքը» ներկայացնում են որպես` երկնային մանանա, ինչը ճիշտ հակառակն է, քանզի նույն կոմունիկացիաների բացումը առանց ռազմադիվանագիտական լրջագույն աշխատանքների միանշանակ վտանգավոր է:

Եվ երկրոդը`փաշինյանական թևը լուրջ դեմքով և զրնգուն ձայնով համոզում է բոլորին, որ պետք է մերվել, կուլ տալ իրենց կործանանար և հակահայկական իշխանության հետևանքների հետ և ամենակարևորը` նրանք բոլորին համոզում են, որ չի կարելի հույս ունենալ և նույնիսկ մտածել`իրենց կողմից թուրքին հանձնած մեր հայրենիքի վերադարձի մասին։

Ուրեմն միանշանակ տխրացնեմ իրենց բոլորին...

Ւմացեք ...մենք թուրքի ձեռքից վերադարձնելու ենք մեր Հայրենիքը, սա անհերքելի է։
Թող բոլորը իմանան, ռեվանշ լինելու է և մեր Շուշին, Հադրութը, Շուռնուխը, Գանձակը, Նախիջևանը վերադառնալու են:

Դա իմացեք հաստատ»,- գրել է նա։