Անգլիայի գավաթի խաղարկության 1/8-րդ եզրափակիչի շրջանակում «Էվերթոնը» ընդունել էր «Տոտենհեմին»։

3-րդ րոպեին Դևիսոն Սանչեսը բացեց հաշիվը՝ առաջ մղելով լոնդոնյան թիմին։ 36-րդ րոպեին Դոմինիկ Կալվերտ-Լյուինը հավասարեցրեց հաշիվը։ Երկու րոպե անց Ռիշարլիսոնը առաջ մղեց տանտերերին։ 43-րդ րոպեին Գիլֆի Տոր Սիգուրտսոնը անվրեպ իրացրեց 11-մետրանոց հարվածը՝ հաշիվը դարձնելով 3-1։ Մինչև ընդմիջում «Տոտենհեմը» կրճատեց հաշիվը։ Աչքի ընկավ Էրիկ Լամելան։

57-րդ րոպեին Դևիսոն Սանչեսը հավասարեցրեց հաշիվը։ 68-րդ րոպեին Ռիշարլիսոնը դարձյալ առաջ մղեց «Էվերթոնին»։ 83-րդ րոպեին Հարի Քեյնը նորից հավասարեցրեց հաշիվը՝ խաղը տեղափոխելով լրացուցիչ ժամանակ։

97-րդ րոպեին Բերնարդը խփեց հաղթական գնդակը։ «Էվերթոնը» հաղթեց 5-4 հաշվով ու դուրս եկավ գավաթի խաղարկության քառորդ եզրափակիչ։