Անհետ կորած զինծառայողների հարազատները, ովքեր գտնվում էին Արցախում, երեկ ուշ երեկոյան, ինչպես ասելի էին, ժամանել են Երևան: Այս մասին ֆեյսբուքյան ուղիղ եթերում հայտնել է Արսեն Ղուկասյանը:

Ղուկասյանը հայտնել է, որ այսօր առավոտյան ժամը 10:00-ին ծնողները հավաքվելու են Ուլնեցիում, անելու են առաջարկները, լսելու են իրար, քանի որ միանձնյա որոշում չի լինելու. «Միասին ենք որոշելու մեր հետագա քայլերը: Հետագա քայլերը լինելու են կտրուկ ու շատ խիստ: Դրա համար խնդրում եմ հավաքվել Ուլնեցիում՝ մի մարդու նման: Կհավաքվենք, կզրուցենք, կորոշենք հետագա անելիքը: Կարող է արդեն մյուս օրվանից լուրջ, կտրուկ քայլեր անենք: Պարոնայք կառավարության անդամներ, սա ձեր վերջին շանսն է, մինչև մենք կորոշենք: Դուք էիք մեզ հետ ուլտիմատումով խոսում, արդեն ես եմ ձեզ հետ ուլտիմատումով խոսում: Մեր երեխեքին տվեք մեզ: Մեր միակ պահանջը սա է: Եթե չեք կարողանում հետ բերել, ձեզ հետ կլինի այլ խոսակցություն: Մենք ձեր ասածները շատ փափուկ ընդունեցինք: Բայց պատերազմի առաջին օրվանից խաբում եք: Մի հատ ճիշտ ինֆորմացիա չեք տալիս: Էտ խաբելը ձեր տունը քանդեց: Եթե չխաբեիք, կարող ա այս օրին չհասնեինք: Բայց վերջ»:

Ղուկասյանը նաև զգուշացրեց, որ հանկարծ սադրիչներ չլինեն, քանի որ գործ ունեն սգավոր ծնողների հետ ու արդեն պարզ է, թե ինչ կանեն սադրիչների հետ, որոնց ֆիքսեն:

Նա ասաց, որ հանդիպմանը թող գան նաև նրանք, ովքեր հուղարկավորել են իրենց երեխենարին, քանի որ պայքարը միայն գերիների համար չէ: