Սասուն Միքայելյանի դուստրը՝ Սաթենիկը, ՀՀ քաղաքացի է, որն ունի բոլոր այն պարտավորություններն ու իրավունքները, որոնք ունի ՀՀ ամեն քաղաքացի: Այս մասին 168.am-ի հետ զրույցում հայտարարել է իմքայլական պատգամավոր Լիլիթ Ստեփանյանը՝ պատասխանելով հարցին՝ արդյո՞ք ԵԿՄ նախագահ Սասուն Միքայելյանի դստեր դեպքում, ով աշխատանքի է անցել Կոտայքի մարզպետարանում, չի՞ գործել ծանոթ-բարեկամ մեխանիզմը, որը նախկինում բազմիցս քննադատվել է:

«Եթե չեմ սխալվում, նա աշխատանքի է անցել 2018 թվականին․ իմ իմանալով՝ նա բավականին պարկեշտ ու խելացի աղջիկ է: Հիմա իմ հարազատ մարդիկ շատ տեղերում են աշխատում, պետք է ասենք՝ իմ հարազատներն են, դրա՞ համար են աշխատում: Կարծում եմ՝ այս մոտեցումն ինչ-որ փուլից սկսած պետք է դադարի՝ այս ծանոթ-բարեկամ, և այլն»,-ասել է պատգամավորը: