Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է. «Երբ խոսվում է Ադրբեջանի տարածքում՝ Աղդամում ռուս-թուրքական դիտորդական կետ տեղակայելու մասին, պետք է նկատի ունենալ, որ խոսքը ամենևին էլ Արցախի Ակնա (Աղդամ) ավերակ բնակավայրի մասին չէ։ 
Ռուս-թուրքական դիտորդական կետը տեղակայվել է Ադրբեջանի Աղջաբեդինի շրջանի Քիյամեդինլի գյուղում, որը Արցախի Ակնա բնակավայրից հեռու է առնվազն 16 կմ, Ասկերանից՝ 23 կմ, իսկ Ստեփանակերտից՝ 33 կմ։ 
Իհարկե, Արցախին այդքան մոտ թուրքական 50 հոգանոց զորքի տեղակայումն արդեն իսկ խնդիր է և անցանկալի, առավել ևս՝ նրանց կողմից հետախուզական դրոնների կիրառումը, բայց քանի որ գործ ունենք այսպիսի իրողությունների հետ, պետք է հստակ իմանալ՝ թուրքական զորք Արցախի Հանրապետության (այդ թվում՝ թշնամու կողմից գրավված) տարածք չի մտել և չի նախատեսվում նրանց մուտքը։ 
Հետագա գործընթացները կախված են բացառապես մեզնից և մեր քայլերի խելամտությունից»։