«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է. «Իջեք: Հասել ենք: Հեղափոխական մեծահարուստ Սուքիասյան Խաչատուրի հետ ասոցիացվող ARMECONOMBANK OJSC-ում ( համենայնդեպս դրա Շենգավիթի մասնաճյուղում ) հաճախորդներին բարձրախոսով դիմում են բացառապես ռուսերենով: Օրինակ, номер 201, Вас обслужит специалист 7 ( սա բառացի մեջբերում չէ): Բանկի Շենգավիթի մասնաճյուղի կառավարիչ ներկայացած Եդիգարյանն ասում է, որ «իրենք մեղավոր չեն»: Վերջինս պնդում է, որ բոլորովին անհայտ կազմակերպություն է բանկին այդօրինակ ծառայություն մատուցում: Առաջարկեցի նույնաբովանդակ ծառայություն մատուցել ասենք, թուրքերենով: Չհամաձայնվեց: Անգլերենը, ֆրանսերենը, գերմաներենը, վրացերենն ու պարսկերենը կառավարչի կողմից նույնպես մերժվեցին: Ի դեպ, կառավարիչն ասում էր, որ Բանկը ծառայություններ գնելու որևէ մրցույթ չի հայտարարում և, ըստ այդմ, հնարավոր չէ պարզել, թե որ ընկերությունն է Բանկում բարձրախոսով ռուսերեն հայտարարություններ կարդում: Այսքանը պատմելուց հետո պետք է խնդիրը վերացնելու պահանջով ինչ-որ մեկին դիմեմ: Հուշեք, ու՞մ դիմեմ` Լեզվի կոմիտեի՞ն, Նիկոլ Փաշինյանի՞ն, ՀՀ կրթության, գիտության, մշակույթի և սպորտի նախարարությա՞նը, թե՞ Ռուստամ Մուրադովին: Իսկ միգուցե Սերգեյ Կոպի՞րկինին»: