Հայաստանի համար որոշիչ ժամանակներ են։ Անվտանգային սպառնալիքներ, տնտեսական մարտահրավերներ, սոցիալական խնդիրներ․ այս փուլում երկրին անհրաժեշտ է ոչ միայն քաղաքական պայքար, այլ ազգային պատասխանատվություն։ Գագիկ Ծառուկյանը ընտրություններին է գնում հստակ գաղափարախոսությամբ՝ համախմբել ներուժը, օգտագործել իր հնարավորություններն ու կապերը և ծառայեցնել դրանք Հայաստանի անվտանգությանը և տնտեսության զարգացմանը։ Պատասխանատվություն ոչ թե խոսքով, այլ գործով Ծառուկյանի քաղաքական դիրքավորումը կառուցված է մեկ առանցքի շուրջ՝ ուժեղ տնտեսությունը ուժեղ պետության հիմքն է։ Տարիների ընթացքում իրականացված ներդրումային ծրագրերը, բացված ձեռնարկությունները, ստեղծված հազարավոր աշխատատեղերը ներկայացվում են ոչ թե որպես նախընտրական խոստումներ, այլ որպես արդեն իրականացված քայլեր։ Նրա մոտեցումը պարզ է՝ երբ տնտեսությունն աշխատում է, մարդիկ ունեն եկամուտ, համայնքները զարգանում են, պետությունն էլ դառնում է կայուն և պաշտպանված։ Գյուղատնտեսությունը՝ ազգային հենասյուն Սահմանամերձ համայնքներում բացված սառնարանային տնտեսությունները և մթերման կայանները ցույց են տալիս տնտեսական մոդելի ուղղվածությունը դեպի իրական արտադրություն։ Գյուղացու կողքին կանգնելը Ծառուկյանի համար քաղաքական կարգախոս չէ, այլ գործնական քաղաքականություն։ Գաղափարախոսությունն այստեղ հստակ է․ գյուղացին պետք է վստահ լինի, որ իր բերքը կգնահատվի, մարզերը պետք է ունենան աշխատատեղեր, սահմանամերձ համայնքները պետք է լինեն տնտեսականորեն կենսունակ։ Տնտեսական ակտիվությունը սահմանին նշանակում է նաև անվտանգության ամրապնդում։ Անվտանգություն՝ լայն իմաստով Ծառուկյանի ծրագրային շեշտադրումը վերաբերում է ոչ միայն պաշտպանական ոլորտին, այլև տնտեսական և սոցիալական անվտանգությանը։ Նրա հայտարարությունների համաձայն՝ պատրաստ է օգտագործել իր միջազգային կապերը, գործարար փորձը և ներդրումային հնարավորությունները՝ երկրի շահերի պաշտպանության համար։ Անվտանգ պետություն նշանակում է՝ զարգացած արտադրություն, ներդրումների հոսք, աշխատող երիտասարդություն, առողջ հասարակություն։ Այս համատեքստում առանձնացվում է նաև թմրամոլության դեմ պայքարի հարցը՝ որպես ազգային անվտանգության բաղադրիչ։ Առողջ սերունդը ներկայացվում է որպես երկրի երկարաժամկետ կայունության երաշխիք։ «Առաջարկ Հայաստանին»՝ համախմբման հարթակ Ծառուկյանի նախաձեռնությունը ներկայացվում է որպես վերկուսակցական ձևաչափ՝ «քաղաքական Նոյյան տապան», որտեղ առաջնայինը մասնագիտական կարողությունն է և երկրի հանդեպ պատասխանատվությունը։ Նրա հիմնական ուղերձը ձևակերպվում է այսպես՝ պաշտոնը կարևոր չէ, կարևոր է արդյունքը։ Թիմ ձևավորելու սկզբունքը՝ ըստ հայտարարությունների, հիմնվելու է ոչ թե մանդատների բաշխման, այլ աշխատանքի պատրաստակամության վրա։ Հաղթանակի դեպքում՝ ինչ ուղղությամբ կարող է շարժվել երկիրը Ծրագրային շեշտադրումներից կարելի է առանձնացնել մի քանի առանցքային ուղղություն․ լայնածավալ տնտեսական ակտիվացում և արտադրության զարգացում, մարզային համաչափ աճ և սահմանամերձ համայնքների ամրապնդում, ներդրումային ծրագրերի խթանում միջազգային համագործակցության միջոցով, սոցիալական քաղաքականության խստացում՝ առողջ ապրելակերպի և երիտասարդության ներգրավման ուղղությամբ, ազգային համախմբման մթնոլորտի ձևավորում։ Այս մոտեցումը ներկայացվում է որպես անցում խոստումներից դեպի գործնական արդյունքներ։   Գագիկ Ծառուկյանի նախընտրական գաղափարախոսությունը կառուցված է երեք հիմնասյուների վրա՝ անվտանգություն, աշխատող տնտեսություն, ազգային համախմբում։ Նրա քաղաքական հայտարարությունների տրամաբանությունը հետևյալն է․ եթե պետությունը կարողանա համախմբել իր լավագույն ուժերը և օգտագործել առկա տնտեսական ու մարդկային ռեսուրսները, ապա հնարավոր կլինի ոչ միայն հաղթահարել ճգնաժամերը, այլ նաև ձևավորել կայուն և զարգացող Հայաստան։ Այս ընտրությունները, ըստ նրա ուղերձի, ընտրություն են ոչ թե անձերի, այլ զարգացման մոդելի միջև։

Մարգարիտա Դավթյան

Նյութի աղբյուրը՝ Meganews.am