Թբիլիսիի կենտրոնում՝ Ռուսթավելի պողոտայում, փետրվարի 11-ի երեկոյան անհնազանդության հերթական երթն է տեղի ունեցել գիշերային ժամերին տեղաշարժման կորոնավիրուսի սահմանափակումների դեմ:

«Շարժում հանուն Վրաստանի» երիտասարդական կազմակերպության մի քանի տասնյակ ակտիվիստներ խորհրդարանի շենքից շարժվել են  դեպի իշխող «Վրացական երազանք – ժողովրդավարական Վրաստան» կուսակցության գրասենյակ, որտեղ բախում է տեղի ունեցել նրանց և ոստիկանության աշխատակիցների միջև:

Նախնական տվյալներով ՝ բերման են ենթարկվել երկու անձինք, մի քանի ցուցարար թեթև վնասվածք է ստացել: Անհնազանդության երթի մասնակիցների դեմ քրեական գործ է հարուցվել:

Ռուսթավելի պողոտայից ակցիայի մասնակիցները երթով տեղափոխվել են ՆԳ նախարարության շենքի մոտ: Այստեղ նրանք բողոքել են ոստիկանության գործողություններից։