Ամերիկացի սոցիոլոգ Ջոն Զոգբին РИА Новости-ին հայտարարել է, որ Հանրապետական կուսակցությունը նախկինի պես «պատկանում է» ԱՄՆ նախկին նախագահ Դոնալդ Թրամփին։

Կուսակցության ներկայացուցիչների կեսից ավելին հավատարիմ է պետության նախկին ղեկավարին, իսկ դրա անդամների 70%-ը դեմ է իմփիչմենթին։

Նա նաև չի բացառել, որ Թրամփն ապագայում առաջադրվելու է նոր ժամկետով:

«Շատ բան կարող է փոխվել հաջորդ մի քանի տարիների ընթացքում, բայց մի բան մնում է փաստ: Հետագայում, նա խնդիր է կուսակցության համար։ Հանրապետական կուսակցությունը չի կարող ապրել ո՛չ նրա հետ, ո՛չ առանց նրա»,- ամփոփել է Զոգբին։

Նախօրեին Սենատում սկսվել է Թրամփի իմփիչմենթի գործընթացը։ Եթե Թրամփին իմփիչմենթ հայտարարեն, նա այլևս չի կարողանա առաջադրվել նախագահի պաշտոնում։