Առաջին նկարում դուք շատ եք, երկրորդում` նա մենակ է: Առաջին նկարում ձեզանից ոչ մեկի դեմքը չի երևում, երկրորդում` հայացք է, աղաղակող լռություն, հայի աչքեր: Առաջին նկարում դուք ամբոխ եք, երկրորդում` նա անհատ է, մեն ու միայնակ, հորից կտրված, բայց լուսավոր մի անհատ:

Առաջինում դուք ուժեղ եք, որովհետև շատ եք, երկրորդում` ինքը ձեզնից ուժեղ է, միայնակ ձեզնից բոլորից ուժեղ: Դուք բոլորդ զրկել եք այս լուսավոր բալիկին Հայրիկից, դուք բոլորդ կործանել եք նրա Լույս Հայրենիքը:

Պարտավոր եք բոլորդ, առանց բացառության, գալ այս նույն հրապարակ, որտեղ գտնվել եք ժամանակին դուք և որտեղ գտնվում է այսօր այս Լույսը: Պարտավոր եք գալ ու ծնկի իջնել նրա առջև, խոստովանել ձեր հանցանքը և ներողություն խնդրել նրանից:

Դուք նրա Հայրիկին վերադարձնել չեք կարող, դուք պարտավոր եք վերադարձնել նրան գոնե իր Հայրենիքը:

ՍԴ աշխատակազմի նախկին ղեկավար Էդգար Ղազարյան