Երևանի ավագանու «Իմ քայլը» խմբակցության ղեկավար Սուրեն Էյրամջյանն այսօր՝ ավագանու նիստի ժամանակ անդրադառնալով ավագանու նիստերից իր բացակայություններին, հայտնեց, որ ունի որոշակի առողջական խնդիրներ, որով էլ պայմանավորված բացակայում է հաճախ։

«Դրանով պայմանավորված՝ շարունակական պրոցեսների արդյունքում կրկին ստիպված եմ լինել պասիվ։ Մոտ ապագայում թերևս ես այստեղ չգտնվեմ։ Խնդրում եմ ճիշտ հասկանալ, և օգտագործելով այս հնարավորությունը ներողություն եմ խնդրում մեր ընտրողների առաջ, որ ես ստիպված կլինեմ ճանապարհի կեսից լքել իմ դերակատարումը, ներողություն խնդրել չիրականացած կամ գուցե կիսատ թողած գործերի համար։ Շնորհակալություն հայտնել առաջին հերթին պարոն քաղաքապետին այս ժամանակահատվածում մեր համագործակցության համար, իմ խմբակցությանը և իհարկե ընդդիմադիր գործընկերներին, բնականաբար նաև աշխատակազմին։ Ես չեմ կարող հստակ ասել, թե դա երբ կլինի, բայց մոտակա նիստերին ես թերևս կրկին բացակա կլինեմ, իսկ երբ վերջնական որոշումը կլինի ձեր շարքերը լքելու, կարծում եմ կտեղեկանաք»,- ասաց Էյրամջյանը։