Կիևն անում է հնարավոր ամեն ինչ՝ խուսափելու Մինսկի համաձայնագրերը կյանքի կոչելու իր ստանձնած պարտավորություններից՝ դրանով իսկ հրաժարվելով խաղաղության շանսից: Այս մասին հայտարարել է Ռուսաստանի արտգործնախարարության պաշտոնական ներկայացուցիչ Մարիա Զախարովան՝ «Մինսկ -2-ի» ստորագրման 6-րդ տարեդարձի կապակցությամբ, գրում է «ՌԻԱ Նովոստի» գործակալությունը:

«Այսօր՝ փետրվարի 12-ին, լրանում է «Մինսկի համաձայնագրերի իրագործման միջոցառումների փաթեթի» ստորագրման 6 տարին: Այս փաստաթուղթը պարունակում է Կիևի, Դոնեցկի և Լուգանսկի միջև ուկրաինական ներքին հակամարտության խաղաղ կարգավորման վերաբերյալ հատուկ համաձայնագրեր, որոնք դարձել են Մայդանի պետական հեղաշրջման և Կիևի ուժային գործողության արդյունքը Դոնբասի դեմ, որը չէր ճանաչում նոր իշխանությունների ազգայնական քաղաքականությունը»,-ասել է Զախարովան:

Նա հիշեցրել է, որ փաթեթը հաստատվել է ՄԱԿ-ի Անվտանգության խորհրդի կողմից և դարձել է միջազգային իրավունքի մաս:

«Դրա դրույթների համաձայն՝ 2015-ի վերջին Դոնբասում պետք է խաղաղություն տիրեր և աշխատանքներ սկսվեին տարածաշրջանի սոցիալ-տնտեսական վերականգնման ուղղությամբ: Ցավոք, այդ համաձայնագրերը այդպես էլ չեն իրականացվել: Կիևը չի օգտվել խաղաղության հնարավորությունից: Ամեն ինչ անում է, որպեսզի խուսափի իր իսկ պարտավորությունների կատարումից, դրանց իրականացման իմիտացիա ստեղծի, խուսափի Դոնեցկի և Լուգանսկի հետ անմիջական շփումներից, առանց որի ճգնաժամի լուծումը գործնականում անհնար է, փորձում է խեղաթյուրել կամ վերաշարադրել Մինսկի համաձայնագրերը»,- ընդգծել է Զախարովան:

Նրա խոսքերով` ուկրաինական իշխանությունների գործողությունների արդյունքում Դոնբասը, «որը պետք է վերադառնար Ուկրաինայի կազմ, ավելի ու ավելի է հեռանում նրանից»: