1988 թվականի փետրվարի 13-ին այս հրապարակում սկիզբ առավ մեր ազգային ազատագրական պայքարը։ Ուղիղ 33 տարի առաջ հենց այստեղ է տեղի ունեցել առաջին ցույցը, երբ արցախցին արթնացրեց մեր ողջ ժողովրդին, ներկայացրեց ազգային երազանք, որ կարճ հնչում էր՝ ՄԻԱՑՈՒՄ։ Մեկ բառի մեջ պարփակված էր ազգային ողջ ուժը, փրկությունը և Հայրենիքի անվտանգության գրավականը՝ ՄԻԱՍՆԱԿԱՆՈՒԹՅՈՒՆԸ։

Թե ինչու չկարողացանք պահպանել մեր այդ՝ Աստծու կողմից օրհնված հաղթանակը, դեռ շատ կգրվի, բայց վայ մեզ, եթե այսօրվանները հաղթեն պառակտիչ իրենց գործողությունների արդյունքում։

Հայ ազգ, համայն հայություն, արթնացի՛ր, Մեր ազգային երազանքին՝ ՄԻԱՑՄԱՆԸ դեռ պիտի հասնենք։

Հ.Գ. Քրիստոսի խաչման տարիքին` մեր ազգային շարժումը նույնպես ստացավ մեծ հարված, բայց հուսամ, որ այն քրիստոնեության պես կլինի հարատև և ի վերջո կհասնի հաղթանակի:

Թևան Պողոսյան