Աֆրիկայում հայտարարել են Էբոլա տենդի համաճարակի մեկնարկի մասին
Գվինեան փետրվարի 14-ին հայտարարել է երկրի հարավ-արևելքում Էբոլա տենդի համաճարակի մեկնարկի մասին: Այս մասին ասված է կառավարության հայտարարության մեջ։
«Գվինեայի կառավարությունը հայտարարում է Էբոլա վիրուսի հարուցած հիվանդության համաճարակի մասին ՝ Nzerekore պրեֆեկտուրայում և Գուեկեի շրջանում։ Փետրվարի 14 – ին առողջապահության նախարարի նախագահությամբ անցկացված ճգնաժամային խորհրդակցությունը որոշում է ընդունել համաճարակին հակազդելու մի շարք միջոցներ սահմանելու մասին, ներառյալ՝ բոլոր նրանց, ովքեր կարող էին կապ ունենալ էբոլայով հիվանդացածների հետ», – ասված է հայտարարության մեջ:
ԶԼՄ-ների տվյալներով ՝ նման որոշում են կայացրել այն բանից հետո, երբ ստացվել են Էբոլա տենդի ախտանշաններով չորս մահացածներից վերցված արյան հետազոտության արդյունքները:
Էբոլայի առաջին դեպքը գրանցվել է Գուեկե քաղաքում ՝ բուժքրոջ մոտ, որը մահացել է հունվարի 28-ին: Այդ օրը հայտնաբերվել է յոթ մարդ, որոնք կարող էին վարակվել։ Նրանք բոլորը ներկա էին բուժքրոջ հուղարկավորությանը։ Վարակվածներից մեկը բնակվում է երկրի մայրաքաղաք Կոնակրիում։
Առողջապահության համաշխարհային կազմակերպությունն արդեն հայտարարել է, որ արտակարգ կարգով կօգտագործի առկա ռեսուրսները Գվինեային օգնություն ցուցաբերելու համար:
Հիշեցնենք, որ 2013-2016 թվականներին Գվինեան դարձել է Արևմտյան Աֆրիկայում Էբոլա վիրուսի բռնկման էպիկենտրոններից մեկը: Այդ ժամանակ Աֆրիկայի այդ հատվածում մահացել էր 11,3 հազար մարդ, հիվանդացել էր ավելի քան 28 հազար մարդ։ Ավելի վատ, քան Գվինեայում, իրավիճակը եղել է միայն հարևան Սիեռա Լեոնեում և Լիբերիայում: Վերջինիս իշխանություններն արդեն հայտարարել են Գվինեայի հետ սահմանները փակելու մասին։
Նշենք, որ ավելի վաղ Էբոլա վիրուսի բռնկում է գրանցվել Կոնգոյի Դեմոկրատական Հանրապետությունում։ Եղել է չորս վարակված մարդ, որոնցից երկուսը մահացել են:
