ԱՄՆ նախագահ Ջո Բայդենը նախօրեին Վալենտինի օրվա կապակցությամբ Twitter-ում շնորհավորել է կնոջը՝ առաջին տիկին Ջիլ Բայդենին։

«Իմ կյանքի սեր և իմ սիրո կյանք: Շնորհավոր Վալենտինի օրը, Ջիլ»,- գրել է ԱՄՆ նախագահը։

Ջիլ Բայդենն, իր հերթին, Twitter-ում գրել է, որ «Վալենտինի օրվա համար քաղցրավենիք է գնում»։

«Շշ՜շ ... չասեք Ջոյին»,- կատակել է նա։

ԱՄՆ առաջին տիկինը անցյալ շաբաթ նաև Սպիտակ տան մարգագետնում տեղադրել է սրտի տեսքով վարդագույն, կարմիր և սպիտակ պաստառներ, որոնց վրա գրված են «միասնություն», «բարություն», «կարեկցանք» բառերը։

Ավելի վաղ Բայդենը լրագրողներին նաև հայտնել է, որ «Վալենտինն իր կնոջ սիրելի օրն է»։