Սերժ Սարգսյանին չի մերժել մեր թիմը, նրան մերժել են ՀՀ քաղաքացիները, ժողովուրդը: Եթե միայն մեր թիմի մերժելով լիներ, նման հանգուցալուծում չէր լինի: Այս մասին լրագրողների հետ զրույցում հայտարարել է իմքայլական պատգամավոր Արփի Դավոյանը, ում խոսքերով 3 տարի առաջ եղածին հանգեցրել է հենց տարիներ շարունակ վարված քաղաքականությունը:

Ինչ վերաբերում է Սերժ Սարգսյանի վերաբերյալ դատավճիռներին, որոնք մինչ այսօր չկան, Դավոյանը նշել է, որ դրանք կլինեն ու կլինեն ոչ միայն երրորդ նախագահի վերաբերյալ. «Այն, ինչ մենք ասել ենք, հետևողական գնում ենք այդ ճանապարհով: Գուցե այդ ճանապարհը դանդաղ է, սակայն դա չի նշանակում, որ այն իրականություն չի դառնալու»: