Արտակ Բեգլարյանը ներկայացրեց Արցախում և Հայաստանում գտնվող արցախցիների կարիքները
Արցախի նկատմամբ Ադրբեջանի սանձազերծած պատերազմի հետևանքով արցախցիների առջև մի շարք խնդիրներ են ծառացել, որոնք հընթացս լուծվում են:
Այս մասին փետրվարի 15-ին հրավիրված քննարկման ընթացքում ասաց Արցախի Հանրապետության նախագահի աշխատակազմի ղեկավար Արտակ Բեգլարյանը` ներկայացնելով Արցախում և Հայաստանում գտնվող արցախցիների կարիքները:
«Հումանիտար կարիքներից առաջինը բնակարանայինն է, հետո սոցիալականը, մանր կենցաղային կարիքներ էլ կան, որոնք որոշ չափով բավարարվել են, որոշ չափով դեռ առկա են, և’ Արցախում, և’Հայաստանում: Հաջորդը վերականգնողական բնույթի կարիքներն են, որոնց մեջ և’ ֆիզիկական բնույթի վերականգնումն է, և’ հոգեբանական վերականգնումը»,- ասաց Բեգլարյանը:
Արտակ Բեգլարյանը նշեց, որ առկա են նաև զարգացման, ինչպես նաև ինստիտուցիոնալ զարգացման կարիքներ, որոնք ոչ պակաս կարևոր են:
