Չկա արդյո՞ք նոր Հոկտեմբերի 27-ի վտանգ. Վազգեն Մանուկյանն ասաց, թե որ դեպքերում են նման դեպքերը լինում
Վազգեն Մանուկյանը, ով այս պահին Ազատության հրապարակում է, կրկնեց ավելի վաղ ասածը, որ հրապարակը դարձնելու են շտաբ, ուր մարդիկ գալու են գրանցվելու, առաջադրանքներ ստանալու, հայտնելու, թե ինչ վիճակ կա:
Չկա արդյո՞ք վտանգ, որ այդ մարդկանց շարքերում ռոմանտիկներ կլինեն ու հոկտեմբերի 27-ի նման դեպքեր տեղի կունենան: Հարցրեց լրագրողներից մեկը: Մանուկյանն ասաց, որ ռոմանտիկներ շատ կան, սակայն՝ տարբեր իմաստներով. «Այդպիսի դեպքեր պատահում են միայն այն դեպքում, երբ քաղաքական պայքարը կանգնում է: Այդ դեպքում մարդիկ են հայտնվում՝ տարբեր ցնդաբանությամբ կամ ինչ-որ բանով տարված, քայլեր են իրականացնում, որոնք վտանգավոր են մեր պետության համար»: