ՀՀ երրորդ նախագահ Սերժ Սարգսյանի՝ «Արմնյուզ» հեռուստաընկերությանը տված հարցազրույցի առաջին մասից հետո ակնկալելի էր Նիկոլ Փաշինյանի՝ մեղմ ասած ոչ հավասարակշիռ արձագանգը։ Եվ մինչ հայ հասարակությունը սպասում էր նրա ֆեյսբուքյան էջում հերթական մի քանի անգամ խմբագրված գրառմանը կամ գոնե լայվին, 168.am-ը տեղեկացել է, որ վաղը Նիկոլ Փաշինյանը պատրաստվում է հրատապ հարցազրույց տալ։

1in.am կայքի լրագրող Նվեր Մնացականյանի մերձավոր շրջապատից 168.am-ը տեղեկացել է, որ Սերժ Սարգսյանի հարցազրույցից հետո Նիկոլ Փաշինյանը կարգադրել է այսօր իր մոտ հրավիրել Նվեր Մնացականյանին, որ վերջինիս հարցազրույց տա։

«Հարցազրույցն այսօր կհրապարակվի, թե երրորդ նախագահի հարցազրույցի երկրորդ մասից հետո, այս պահին չկարողացանք ճշտել»,-գրում է լրատվամիջոցը։