«Մարտի 1-ին կլրանա մեկ տարին, որ Հայաստանում հայտնաբերվել է կորոնավիրուսի վարակման դեպք, չնայած ես համոզված եմ, որ առնվազն 1-2 ամիս առաջ Հայաստանում եղել էին սիմպտոմներ, երբ որ դպրոցները փակել էին այլ պատճառաբանությամբ, բայց, այնուամենայնիվ, որևէ մեկը չի կարող ասել՝ դա ինչ է եղել, որովհետև թեստ էլ չի եղել, որ որոշվեր, թե ինչ է»,- այսօր՝ կորոնավիրուսի հետևանքների ուսումնասիրման հանձնաժողովի նիստի ժամանակ հայտարարեց հանձնաժողովի անդամ, ԲՀԿ պատգամավոր Միքայել Մելքումյանը:

Մելքումյանի համոզմամբ՝ պետք է շտապել և տալ գնահատականներ՝ չսպասելով համավարակի ավարտին: «Քանի որ սա նոր վիրուս է, ստանդարտ բան չի, փորձ չկա, որ իմանանք, թե երբ կվերջանա... Կարող ա ընդհանրապես չի վերջանում ու նոր շտամներ են հայտնաբերվում... Ճիշտ է, որ մեկ տարի անց գնահատականներ տանք եղածին»: