Պատերազմի օրերին եւ դրանից հետո մենք տեսել ենք հրապարակային ելույթների եւ փաստացի գործողությունների անհամապատասխանություն. մենք մինչեւ նոյեմբերի 9-ը մտածել ենք, որ հաղթում ենք, հետո պարզվեց՝ պարտվեցինք: Այս մասին, այսօր՝ փետրվարի 16-ին, լրագրողների հետ հանդիպման ժամանակ նշեց Փաստաբանների պալատի նախագահ Արա Զոհրաբյանը:

«Մարտի դաշտում էլ կազմակերպչական լուրջ խնդիրներ ենք ունեցել, ճիշտ չեն կազմակերպվել զորահավաքը, հերթափոխը, հավաքագրումը: Հիմա կա կասկած, որ դա դիտավորյալ է այդպես կազմակերպվել: Մենք փաստաբաններով ներկայացրել ենք  հաղորդում հանցագործության մասին, նշել ենք փաստերը: Այո, ասել ենք, որ կա նաեւ դավաճանության մասը, հաղորդում ենք ներկայացրել եւ առաջարկել ենք՝ ստուգել: Եթե չկա դավաճանության փաստ, իշխանություններն իրենք պետք է հենց այդ հոդվածով քրգործը հարուցեին, ստուգեին վերջում էլ ապացուցեին, որ դա ասենք, անփութության արդյունք է, ոչ թե դիտավորյալ թշնամուն օժանդակություն ցուցաբերելու արդյունք: