Այսօր՝ փետրվարի 16-ին ՀՀ Ոստիկանության պետ, Ոստիկանության գնդապետ Վահե Ղազարյանը հրամաններ է ստորագրել։ 

Ինչպես հայտնում է shamshyan.com-ը, Վ․Ղազարյանի հրամանով Ճանապարհային Ոստիկանության 1-ին սպայական գումարտակի հրամանատար Վահան Էվինյանը, իր դիմումի համաձայն, ազատվել է զբաղեցրած պաշտոնից։ 

ՀՀ ոստիկանապետի մեկ այլ հրամանով՝ Խաչիկ Սամվելյանն ազատվել է Ճանապարհային Ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունքի պետի պաշտոնից և, Վ․Ղազարյանի մեկ այլ հրամանով, նշանակվել է ՃՈ 1-ին սպայական գումարտակի (Երևանի Գայի պետ) հրամանատար։