Ես վստահ եմ, որ Ալիևը միշտ երազել է հաղթել մեզ, նրա երազանքն այդպես էլ իրականություն չդարձավ: Մենք հաղթել ենք 90-ականներին Ալիևի հորը, 16-ին Ալիևը պարտվել է ինձ, նա ինձ պարտվել է ամբողջ բանակցային գործընթացում: Նրա մեջ ձևավորվել է անհագուրդ պահանջ ինձ հաղթելու ինչ-որ բանում: Ալիևը հոգեպես բավարարված չէ, նա գիտի, թե ում է հաղթելու ու ինչպես է դա արել: Այս մասին հարցազրույցի ժամանակ հայտարարեց ՀՀ երրորդ նախագահ Սերժ Սարգսյանը։

Սարգսյանի խոսքերով, Ալիևը չի հաղթել հայկական բանակին, հայ ժողովրդին, նա հաղթել է ապիկար իշխանություններին. «Կապիտուլյացիայի է ենթարկվել ոչ հայ ժողովուրդը, ոչ բանակը, ենթարկվել է ՀՀ վարչապետն իր թիմով հանդերձ:

Ալիևն ինչ-որ առումով ճիշտ է, հայկական բանակի ստեղծման գործում, Քոչարյանը, ես, բազմաթիվ գեներալներ, սպաներ, մարդիկ մեծ դերակատարում են ունեցել: Կապիտուլյանտն ինչ դեր է ունեցել,. Մի օր էլ չի ծառայել: Այդ առումով Ալիևը միգուցե ճիշտ է»: