«Ընդդիմադիր հարթակ. հանուն կյանքի» կուսակցությունը սկսել է  ստորագրություններ հավաքել Ուկրաինայի  նախագահ Վլադիմիր Զելենսկիին պաշտոնանկ անելու համար: Այս մասին ֆեյսբուքյան էջում գրել է կուսակցության պատգամավոր Իլյա Կիվան։ Հաղորդում է «ՌԻԱ Նովոստի» գործակալությունը:

«Պատմական պահ է․ պատգամավորների ստորագրահավաքը նախագահ Զելենսկիի իմփիչմենթի համար սկսված է»,-գրել է նա:

Ստորագրահավաք սկսելու որոշումը կուսակցությունը կայացրել է փետրվարի սկզբին տեղի ունեցած  համագումարում:

Ընդդիմությունը նախագահի հրաժարականի պահանջի մասին հարցը բարձրացրել է այն բանից հետո, երբ երկրի իշխանությունները հայտարարել են մի շարք հեռուստաալիքների՝ մասնավորապես «112 Ուկրաինա»-ն, NewsOne-ը և ZIK-ը փակելու մասին: