Ես Օնիկ Գասպարյանին չեմ արդարացնում, սակայն չեմ կարծում, թե նա գլխավոր պատասխանատուն է: Ես չեմ պաշտպանում Գասպարյանին, Միքայել Արզումանյանին, բայց չեմ կարծում, թե նրանք ներգրավված լինեն ենթադրյալ դավադիր գործողությունների մեջ: Բայց որպեսզի նրանք կարողանային իրենց ասածին հետամուտ լինել, առնվազն պետք է ունենային բավականաչափ փորձառություն, որը թույլ կտար ասել վերջ: Խոսքը կառավարումն իրենց ձեռքը վերցնելու մասին չէ: Այս մասին հարցազրույցի ժամանակ հայտարարեց ՀՀ երրորդ նախագահ Սերժ Սարգսյանը։

«Խոսքն այն մասին է, եթե դու համոզված ես, որ այլևս ի վիճակի չես շարունակել մարտական գործողություններն, ինչպես պարտավոր ես, ունենալու ես անդառնալի կորուստներ, գոնե ինչ-որ չափով պետք է հրապարակայնացվի դա:

Միշտ էլ կարելի է ասել, թե ասաց, արեց, բայց քո պարտականությունները միայն դա չէ։ Նույնիսկ այդքան փոփոխություններից հետո գրագետ սպաներ էին մնացել, նրանց կարծիքը պետք էր հաշվի առնել: Ախր դա դմփդմփհու չէ: Թիվ մեկ պատասխանտուն, թիվ մեկ մեղավորը գլխավոր գերագույն հրամանատարն է:

Սարգսյանը նշեց, որ Նիկոլ Փաշինյանը միայն պատերազմի 5-րդ օրն է կապ հաստատել Արցախի ՊԲ հրամանատարի հետ, իսկ օրինակ ինքը Ապրիլյանի ժամանակ հենց առաջին օրն է կապ հաստատել: Դա չի արել կարգադրություններ անելու համար, դա արել է ոգևորելու համար: