Ես մեծ քաղաքականությունից երբեք չեմ հեռացել: Վերջին 30 տարվա ընթացքում եղել եմ այդ մեծ քաղաքականության մեջ: Ես համարում եմ, որ ես ավարտել եմ իմ ծառայությունը պետական համակարգի բարձր պաշտոններում: Այս մասին հարցազրույցի ժամանակ ասաց ՀՀ երրորդ նախագահ Սերժ Սարգսյանը․

«Իհարկե շատերը պետք է հիշեցնեն 2015 թվականի մասին, երբ ասացի, որ վարչապետ չեմ լինելու, բայց դա այլ խոսակցության թեմա է:

Ես որևէ պարագայում Հայաստանում չեմ լինելու ղեկավար պաշտոնում: Ես կարող եմ լինել ցանկացած լուրջ պաշտոնյայի խորհրդատու, խորհրդական:

Ես չեմ ուզում ասել, որ պատրատվում եմ հեռանալ ակտիվ քաղաքականությունից, որ ՀՀԿ-ն կորցնելու է իր ազդեցությունը, հակառակը: Ես էլ եմ լինելու ակտիվ, ՀՀԿ-ն էլ է լինելու ավելի ակտիվ ու եթե առանց կապիտուլյանտի ընտրություն լինի, մասնակցելու են»,- ասաց Սարգսյանը: