Guardian  պարբերականի փոխանցմամբ՝ Էդինբուրգի համալսարանի գիտնականները Մեծ Բրիտանիայում հայտնաբերել են կորոնավիրուսի մեկ այլ տեսակ, որն արդեն տարածվել է ընդհանուր առմամբ 10 երկրներում:  Գրում է Gazeta.ru-ն:

Կրոնավիրուսի այս տեսակը  կոչվում է B1525,  նշել  են շոտլանդացի գիտնականները:

Կորոնավիրուսի այս տարբերակը հայտնաբերվել է նաև Դանիայում, Նիգերիայում, ԱՄՆ-ում, Գանայում, Ֆրանսիայում, Ավստրալիայում, Կանադայում և Իսպանիայում: 

Ավելի վաղ Առողջապահության համաշխարհային կազմակերպությունը (ԱՀԿ) հայտնել էր, որ կորոնավիրուսի մտահոգիչ տեսակները շարունակում են տարածվել: «Բրիտանական» շտամն արդեն հայտնաբերվել է 86 երկրներում, «Հարավաֆրիկյան» շտամը 44 երկրներում, իսկ «բրազիլական / ճապոնական» շտամը 15-ում:

Դեկտեմբերի 14-ին Մեծ Բրիտանիայի Առողջապահության նախարարության ղեկավար Մեթ Հենքոկը  հայտարարեց, որ բրիտանացի գիտնականները հայտնաբերել են կորոնավիրուսի նոր, մուտացիայի ենթարկված տեսակ, որը տարածվում է ավելի արագ, քան հայտնի շտամները: Բրիտանիայի վարչապետ Բորիս Ջոնսոնը հայտարարել է, որ կորոնավիրուսի նոր մուտացիան 70% -ով ավելի վարակիչ է, քան վիրուսի մյուս տեսակները: