Այսօր՝ լրագրողների հետ ճեպազրույցի ժամանակ, դիտարկմանը, թե Էդմոն Մարուքյանը, Սերժ Սարգսյանի հարցազրույցին անդրադառնալով, զարմանք է հայտնել, որ եթե 5-7 շրջանները պետք է վերադարձվեին Ադրբեջանին, ինչու էին որոշ շրջաններում զարգացնում ենթակառուցվածքները, ԼՀԿ ղեկավարն ասաց, որ ինքը ենթակառուցվածքները նկատի չի ունեցել: Հարցին, թե 30 տարի մարդիկ ինչ պայմաններում պետք է ապրեին, Մարուքյանը պատասխանեց, որ լրագրողը մանիպուլացնում է իր խոսքերը: Անդրադառնալով ներդրումներին՝ Էդմոն Մարուքյանն ասաց. «Ես կողմ էի ներդրումներին, հիմա էլ եմ կողմ, եթե չպիտի տային Ադրբեջանին»:

«Մարդիկ ասում են՝ բանակցում էին, որ տային, ես էլ ասում եմ, որ էդպես է, ուրեմն պետք է այդ ուղղությամբ աշխատանք տարվեր, ոչ թե բոլորիս պատրաստեին չտալուն, հետո էդ գաղտնիքը բացեին, ասեին՝ բոլորս էլ ուզում էինք տայինք»,- նկատեց ԼՀԿ ղեկավարը, որից հետո, լրագրողի արձագանքին ի պատասխան, ասաց՝ դուք արդեն գոռգոռում եք:

Մանրամասները՝ տեսանյութում: