Ժողովրդի 90%-ը տրամադրված է Նիկոլ Փաշինյանի դեմ. Վազգեն Մանուկյան
Այսօր Ազատության հրապարակում լրագրողների հետ զրույցում Հայրենիքի փրկության շարժման վարչապետի թեկնածու Վազգեն Մանուկյանը նշեց, որ նոր ընտրությունները պետք է անցկացվեն առողջ պայմաններում, ընտրությունների կեղծմամբ չշահագրգռված մարդկանց միջոցով։
«Այն, որ ժողովրդի 90 տոկոսը տրամադրված է Նիկոլ Փաշինյանի դեմ, հաստատ է»,– ասաց Մանուկյանը։
Արցախում կորցրածը հետ բերելու հնարավորության մասին լրագրողի հարցին Մանուկյանն այսպես պատասխանեց․
«Առաջինը մենք կարող ենք վերականգնել մեր ներքին հպարտությունը եւ հարգանքը մյուս ժողովուրդների կողմից, եթե կարողանանք ապահովել մեր անվտանգությունը եւ պետության զարգացումը։ Ինչ վերաբերվում է Արցախին՝ այն ծավալով, որն ունեինք, 7 շրջան եւ այլն, դա չէ մեր ձգտումը, մեր ձգտումը այն է՝ ինչ–որ կար սկզբից։ Այսինքն՝ մեզ պետք է, որ Արցախն իր ամբողջությամբ լինի մի միավոր, որի ստատուսն ուզում ենք անկախ դարձնել, դա բանակցությունների հարց է, և բանակցող կողմերը հետ չեն քաշվել այդ նպատակից»։
