Եղիսաբեթ Երկրորդի ամուսինը, որը պատվաստվել է կորոնավիրուսի դեմ, հայտնվել է հիվանդանոցում
Մեծ Բրիտանիայի թագուհի Եղիսաբեթ Երկրորդի ամուսինը՝ արքայազն Ֆիլիպը հոսպիտալացվել է Լոնդոնի մի հիվանդանոց: Այս մասին հաղորդում է «Ռիա Նովոստին»՝ հղում անելով Բուքինգհեմյան պալատին:
Հունվարի սկզբին հայտնի էր դարձել, որ Եղիսաբեթ Երկրորդը և նրա ամուսինը պատվաստվել էին կորոնավիրուսի դեմ: Պատվաստումը տեղի էր ունեցել Վինձորյան պալատում:
«Արքայազն Ֆիլիպի ինքնազգացողությունը վատացել է, և երեքշաբթի երեկոյան նա հոսպիտալացվել է Էդուարդ Յոթերորդ թագավորի անվան հիվանդանոց»,- ասվում է Բուքինգհեմյան պալատի հաղորդագրությունում:
99-ամյա Ֆիլիպը հիվանդանոցում կանցնի բոլոր անհրաժեշտ հետազոտությունները:
