Միացյալ Նահանգներում ձնաբքի պատճառով շուրջ 3.4 միլիոն մարդ մնացել է առանց էլեկտրականության: Դա իր հերթին ծանրաբեռնել է էներգետիկ համակարգերը: Հայտնում է Associated Press- ը:

Խոսքը Տեխասում, Լուիզիանայում, Արկանզասում և Միսիսիպիում բնակվող ամերիկացիների մասին է: Էլեկտրականության ամենամեծ անջատումները տեղի են ունեցել Տեխասում:

Բնակիչներին կոչ է արվել նվազեցնել հիմնական էլեկտրական սարքերի օգտագործումը և անջատել լույսերը կամ չօգտագործվող  սարքերը:

Բացի այդ, Տեխասի նահանգի մի շարք քաղաքներում եղանակային վատ պայմանները լուրջ խափանումներ են առաջացրել ջրամատակարարման համակարգում:

Ավելի վաղ հաղորդվել էր, որ ԱՄՆ Տեխաս նահանգում մատակարարները կտրուկ բարձրացրել են էլեկտրաէներգիայի գինը: