ArmDay.am-ի զրուցակիցն է ՀՀ ՊՆ նախկին նախարար Սեյրան Օհանյանը։ 

Պարոն Օհանյան, փետրվարի 20-ին կայանալիք հանրահավաքին մասնակցելու ե՞ք, և արդյո՞ք Ձեզ հարթակին մարդիկ կկարողանան տեսնել և ինչ դիրքորոշում  ունեք ընթացող զարգացումների վերաբերյալ։ 

- Փետրվարի քսանին կայանալիք հանրահավաքին ես անպայման կմասնակցեմ , դիրքորոշումը այն է որ  անկասկած  ստեղծված 

այսօրվա վիճակից, որի հիմնական պատասխանատուն երկրի  այսօրվա քաղաքական իշխանություններն են, և պետք է այդ պատասխանատվությունը մինչև վերջ կրեն և պահի համար այսօրվա երկիրը հոգեբանական ծանր վիճակից դուրս հանելու համար և նաև մեր հետագան, մեր երկիրը զարգացնելու ու նաև միջազգային հարաբերություններում պատշաճ ներկայություն ապահովելու համար նոր իշխանություններ են պետք, որոնք որ կաղապարված  չեն լինի պարտվողի կարգավիճակում և կարող են բարձրաձայնել և ամեն ինչ ներկայացնել բաց դեմքով և մտածեն մեր երկրի մասին։

-Գործող իշխանությունը՝ Նիկոլ Փաշինյանի ղեկավարությամբ արդյո՞ք կհեռանա այս հանրահավաքների պահանջով։ Արդյո՞ք  այլ լուծումներ պետք չեն մշակել։ 

- Մեր երկրի ապագայի մասին փոքր-ինչ  մտածող և հայրենանվեր անձնավորությունը պետք է ինքը իր թիմով  իրավիճակը գնահատեր և հեռանար, բայց այսօրվա իշխանությունները կարծես թե չեն ուզում դա անել։ Ակնհայտ է, որ այս ամենը  խոսում է այն մասին, որ  իշխանությունները չունեն այդ կառավարման ունակությունները, որը  երևացել է մինչ պատերազմ , պատերազմի ընթացքում  և նաև չուն են այդ բարոյական հատկանիշները, որ հանգիստ  պաշտոնները մի կողմ դնեն, աթոռներից ազատվեն,  մի կողմ դնեն իրենց անձնական և խմբակային շահերը և մտածեն պետության մասին ու հեռանան։ 

— Դուք նաև ասել էիք որ մասնակցելու եք արտահերթ խորհրդական ընտրություններին , այնուամենայնիվ կա որոշում որ քաղաքական ուժի կողմից եք ներկայանալու։ 

-Դեռ ժամանակ կա , ես կգնահատեմ իրադրությունը , և կորոշեմ՝ ում հետ մասնակցեմ։ Ամեն դեպքում առաջնայինը, որպես  ՀՀ քաղաքացի , քանի որ յուրաքանչյուր չափահաս քաղաքացի իրավունք ունի անձամբ մասնակցելու ընտրություններին, ես եւս կմասնակցեմ։ 

Սեյրան Օհանյանի հետ զրուցել ենք նաեւ Արցախյան պատերազմից, երրորդ նախագահ Սերժ Սարգսյանի հարցազրույցից։ Մեր զրույցի այդ հատվածը՝ հաջորդիվ։