Քաղաքագետ Գագիկ Համբարյանը ֆեյսբուքյան իր էջում գրել է․ «Սյունիքի հայաթափումը սկսված է. դատարկվում է Դավիթ Բեկ գյուղը
Ինչպես և սպասվում էր, նոյեմբերի 9-ի խայտառակ կապիտուլյացիան, Սյունիքի սահմանային բնակավայրերի շրջակայքից հայկական դիրքերի դուրս բերումը և նրանց փոխարինումն ադրբեջանցիներով առաջին ծիծեռնակներն էին, թե ինչ քաղաքականություն է վարելու Բաքուն Հայաստանի հարավային շրջանների նկատմամբ... Նախկին հայկական դիրքերում ամրապնդվելուց հետո, ադրբեջանցի ասկյարներն ամեն ինչ պետք է անեին, որ հայերն իրենց անվտանգ չզգային... Բաքվի հրահանգով ազերի ասկյարներն սկսեցին անկանոն կրակոցներ արձակել տարբեր տրամաչափի զինատեսակներից սահմանամերձ հայկական բնակավայրերի մոտ, ինչն ապացուցում է, որ դավաճան Նիկոլն ի վիճակի չէ ապահովելու այդ բնակավայրերի բնակիչների անվտանգությունը... 
Ինչպես և սպասվում էր, անվտանգության երաշխիքներ չունեցող, արոտավայրերից, ճանապարհներից անվտանգ օգտվելու, անտառներից զրկված Սյունիքի սահմանամերձ բնակավայրերի բնակիչներն սկսեցին լքել իրենց բնակավայրերը...
Mediaport-ին տված հարցազրույցում Դավիթ Բեկ գյուղի գյուղապետ Բենիամին Պողոսյանն ասել է, որ սյունեցիները լքում են գյուղը, քանի որ անվտանգության երաշխիքներ չկան. 20 երեխայի արդեն հանել են դպրոցից, գյուղացիները վաճառում են իրենց անասունները, քանի որ դիրքերն ադրբեջանցիներին հանձնելուց հետո ո՛չ կարող են անասնապահությամբ զբաղվել, ո՛չ էլ ցանքատարածքները մշակել... Ըստ Պողոսյանի, կառավարությունից ոչ ոք գյուղի խնդիրներով չի զբաղվում.. Զարմանալի չէ, քանի որ դավաճան Նիկոլի կառավարությունն իրկանացնում է Հայաստանի հայաթափման ծրագիրը...
Պատահական չեմ համարում նաև Սյունիքի խոշոր բնակավայրերի ղեկավարների հետապնդումներն իշխանությունների կողմից, ովքեր խանգարում են Նիկոլի և Իլհամի ծրագրերի իրականացմանը... Հատկապես Սյունիքի հայաթափմանը Նիկոլին խանգարում են Մեղրիի, Կապանի, Գորիսի, Քաջարանի և Սիսիանի համայնքապետերը...
Սյունիքի հայաթափումը կբերի Հայաստանի կործանմանը... Դա շատ լավ գիտեն Բաքվում և ամեն ինչ անում և անելու են, որ սյունեցիները որքան հնարավոր է շուտ լքեն իրենց հայրենիքը...»։