«Հրապարակ» թերթը գրում է. Մարդկային թերությունների ու թուլությունների հանդեպ ներողամտությունը քրիստոնեական որակ է։ Ճիշտ է՝ մենք հիմա շատ ենք հեռացել մեր արմատներից ու հավատքից, դարձել անհանդուրժող ու չար, բայց Աստվածաշունչն ասում է՝ ներիր, որ ներվես։ Թուլությունն ու վրիպումները կարելի է ներել, իսկ ստորությունն ու ստրկամտությունը՝ ոչ։

«Կառավարության նիստերը ամեն շաբաթ գնալով էլ ավելի թեթև ու իրականությունից կտրված ընթացք են ստանում։ Արցախը կորցրած, 5 հազար զոհ տված կառավարության ղեկավարն արդեն հումորներ է անում, խոսում ապագայի ծրագրերից ու փորձում դրական ցուցանիշներ հայտնաբերել այս համազգային ողբերգության ու ճգնաժամի ֆոնին։

Երեկ նա նորից հիշել էր ՀԴՄ կտրոնների թեման, որոնք իր համար տնտեսության, փաստորեն, միակ ցուցիչն են։

«Փետրվար ամսվա առաջին 15 օրվա տվյալներով՝ Հայաստանում հսկիչ-դրամարկղային կտրոններով ու հաշվարկային փաստաթղթերով արձանագրվել է 604 հազար գործարքով ավելի, քան նախորդ տարվա փետրվարի առաջին 15 օրերին»,- ասաց Նիկոլ Փաշինյանը՝ հույսով, որ իր սիրելի «պողոսների» մոտ այս անիմաստ թվերն ու վիճակագրությունը ոգևորություն կառաջացնեն և կներշնչեն, որ իրենց կյանքը պատերազմից հետո կտրուկ լավացել է, նախկինում երբեք այսքան լավ չեն ապրել, ինչքան հիմա»,-գրում է թերթը:

Նյութն ամբողջությամբ կարդացեք թերթի այսօրվա համարում: