Սենգերի ինստիտուտի և Կենսաինֆորմատիկայի Եւրոպական ինստիտուտի (EMBL-EBI) գիտնականները մարդու աղիների միկրոբների մասսայական հետազոտություններ են անցկացրել, որի ընթացքում նույնականացրել են վիրուսների ավելի քան 14 հազար տեսակ, դրանց կեսից ավելին նախկինում երբեք չէին նկատել: Աշխատանքի արդյունքները հրապարակվել են Cell ամսագրում:

Մարդու աղիներում, բացի բակտերիաներից, ապրում են տասնյակ հազարավոր բակտերիոֆագներ կոչվող վիրուսներ, որոնք կարող են վարակել բակտերիաները: Աղիքի միկրոբիոմի անհավասարակշռությունը հաճախ հանգեցնում է բորբոքային հիվանդությունների, ալերգիայի և ճարպակալման զարգացման: Միևնույն ժամանակ, շատ քիչ բան է հայտնի այն մասին, թե ինչպես են բակտերիոֆագներն ազդում մարդու առողջության վրա:

Գենետիկների ուսումնասիրությունը ներառում էր ամբողջ աշխարհի առողջ մարդկանցից հավաքված աղիքային միկրոբիոմի ավելի քան 28 հազար նմուշների վերլուծություն: Հեղինակները հայտնաբերել և ցուցակագրել են 142 809 տեսակի վիրուսներ, որոնց կեսից ավելին նախկինում երբևէ չի հայտնաբերվել:

Գիտնականներն ընդգծել են, որ հայտնաբերված վիրուսների մեծամասնությունը մարդու համար վտանգավոր չեն, քանի որ ունեն ԴՆԹ որպես իրենց գենետիկ նյութ և տարբերվում են վտանգավոր ՌՆԹ վիրուսներից, ինչպիսիք են SARS-CoV-2 կամ Զիկա վիրուսը:

Ուսումնասիրության արդյունքները հիմք են հանդիսացել GPD աղիքային ֆագի տվյալների շտեմարանի համար, որը, ըստ գիտնականների, հիմք կդառնա հակաբիոտիկ մանրեոֆագային դեղամիջոցների օգտագործմամբ բուժման նոր մեթոդների մշակման համար: