Արա Սաղաթելյանի կալանքը բացարձակ իրավաչափ չէ ու որևէ արդարացում չունի: Այս մասին ֆեյսբուքյան իր էջում գրել է իրավապաշտպան Արտակ Կիրակոսյանը:

Նա, մասնավորապես, նշել է. «Արա Սաղաթելյանին կալանավորեցին երկու ամսով ֆեյք օգտատերի հաշիվը հնարավոր օգտագործելու մեղադրանքով: Չեմ կիրառել այդ բառապաշարը. "խայտառակ" ու նման բաներ (Սաքունցի սիրածն է), բայց հիմա ասեմ.

Սա Հայաստանի արդարադատության ամենախայտառակ օրերից է:

Կալանքը բացարձակ իրավաչափ չէ ու որևէ արդարացում չունի:

Ազատությո՛ւն քաղբանտարկյալ Արա Սաղաթելյանին:

Էն խելոքներին, որ ծիծաղում էին նախորդ գրառմանս տակ (թե բա մարդ ես գտել քաղբանտարկյալ կոչելու) առաջարկում եմ report անել ու պահանջել փակել Սաղաթելյանին վերագրվող ֆեյք օգտատերի հաշիվը: Թե՞ ուղղակի դզում է ձեզ ոչ դուրեկան մարդկանց բանտ գցելը ու սա հարմար պատրվակ է:

PS Հա ու ասեմ ձեզ. սա օպերացիայի առաջին փուլն է: Բուն նպատակը Սաղաթելյանի ու Բեքարյանի համակարգիչների առգրավումն էր: Շատ շուտով կսկսվի իրենց անձնական նամակագրության ու փաստաթղթերի слив-ը»: