Եզդիների ազգային միության նախագահությունը, անդամների ձայների մեծամասնությամբ, նոր նախագահ է ընտրել: Միակ թեկնածուն Ազիզ Թամոյանի թոռն էր` Խդր Հաջոյանը (Թամոյան):

Լրագրողների հետ զրույցում, եզդիների նոր առաջնորդը խոսելով ապագա ծրագրերից և անելիքներից, ասաց, որ ջանք չեն խնայելու առավել ամրապնդելու և զարգացնելու հայ-եզդիական բարեկամությունը:

«Այսօր անձի ընտրություն չէր: Ես կարող եմ միանշանակ ասել, որ ընտրվել է եզդիների կրոնի պաշտպանությունը, եզդիների մշակույթի պահպանությունը, եզդի ժողովրդի ապագան»: