«Հայրենիքի փրկության շարժման» երթի մասնակիցներն արդեն Ֆրանսիայի հրապարակում են: Նրանք պատրաստվում են չորս կողմից փակել հրապարակը՝ այդկերպ պարալիզացնելով Երևանի Կենտրոն վարչական շրջանի մի հատվածը:

Տեղում հավաքվածների շրջանում ելույթ ունեցավ շարժման վարչապետի թեկնածու Վազգեն Մանուկյանը. «Սա քաղաքական պայքար չէ, մենք ուզում ենք փրկել հայ ազգը: Հայաստանում Սահմանադրությունը չի գործում իշխանության պատճառով: Ամեն օր իրենք խախտում են Սահմանադրությունը: Ամուր կացե՛ք, միասին կգնանք, կհաղթենք, կունենանք մի երկիր, որի մասին երազել ենք տասնամյակներ և կկառուցենք այդ երկիրը: Համոզված եղեք, սենց կամաց-կամաց ազատելով հրապարակներ, փողոցներ՝ վերջը ամեն ինչ մեր ձեռքն է լինելու, իսկ էդ շենքերը, որի մասին իրանք տենց մտածում են, հասած տանձի պես ընկնելու են մեր ձեռքը: Ամուր եղեք»,- հայտարարեց Մանուկյանը: