«Ժամանակը կարճ է նաև Արմեն Սարգսյանի համար». Գեղամ Մանուկյան
|
«Հայրենիքի փրկության շարժման» մասնակիցները, երթով հասնելով նախագահական նստավայրի մոտ՝ Բաղրամյան 26, դիմեցին ՀՀ նախագահ Արմեն Սարգսյանին: «Դիմում ենք ՀՀ նախագահին: Այն նախագահին, ով պատերազմի ավարտից մի քանի օր հետո, հանրային բողոքներից հետո պաշտոնապես միացավ ժողովրդական շարժմանը՝ պահանջելով վարչապետի և կառավարության հրաժարականը...: Մեր պահանջն է, որ ՀՀ նախագահն իր այդ պաշտոնական պահանջի տերը լինի, և դրա համար նա ունի երկու գործողություն. առաջին՝ շարունակելով պահանջը՝ չվավերացնի որևէ փաստաթուղթ, որն ուղարկվում է նախագահության պալատ՝ վավերացվելու համար վարչապետի աթոռը գրավողի կողմից: Նա ունի դրա իրավունքը, որովհետև նա Նիկոլ Փաշինյանի նախագահը չէ, նա ՀՀ նախագահն է: Նա Սահմանադրության գլուխն է ու պաշտպանը: Երկրորդը՝ շատ արագ պետք է դիմի գործողությունների մեր՝ քաղաքացիների իրավունքները պաշտպանելու, օրենքը պաշտպանելու և իր հայտարարած Նիկոլի ու կառավարության հրաժարականը ժամ առաջ իրականություն դարձնելու, ժամանակավոր կառավարություն ստեղծելու համար: Ժամանակը կարճ է նաև Արմեն Սարգսյանի համար, Բաղրամյան 26-ի համար, որովհետև Արմեն Սարգսյանը Սահմանադրության երաշխավորն է, որն այսօր ոտնատակ է արվում»,- ելույթի ժամանակ հայտարարեց «Հայրենիքի փրկության շարժման» կազմակերպիչներից Գեղամ Մանուկյանը: |